海港酒家

幫網友發聲。以下是苦主網友的親身經歷，大家去這間酒家吃飯真的要小心。 網友提早一個月訂咗位，滿心歡喜去到上環海x酒家慶祝大壽，仲一早訂左佢哋個 $6880 嘅「豪華宴」。餐單寫明個餐係包一隻「四斤半」嘅陳年花雕蒸長腳蟹。點知去到當晚揀蟹嘅一刻，酒樓先突然通知，話佢哋只得大蟹，然後攞咗隻八斤嘅出嚟，話如果要就要補差價，每斤補 $328。 當堂真係嬲到震。網友指出，一個月前訂位而且收左訂金，酒樓有大把時間提早通知供應有問題，但完全冇同客人溝通。而且要等到入座坐低埋、去到揀蟹先嚟行呢招「夾硬升級」，根本就係誘餌式銷售，焗食客一係食死貓比多千幾蚊差價，一係就冇蟹食。再者，餐單上面寫「如超過四斤半以當天售價計算」，正常理解係客人自己想食大隻啲先要補錢，而家係酒樓提供唔到餐單內容，責任完全喺酒樓度。 最令人憤怒嘅係，酒樓完全推卸責任，話供應商比咩貨佢哋控制唔到，又話呢段時間全部都係大蟹，咁即係一早就知。 一間咁大嘅酒樓，誠信破產，完全當消費者係水魚。